Daquela, xa instalou o KDE por primeira vez. Ou talvez estea de volta co KDE despois dunha longa odisea algures. Ou talvez estea a pensar en empregar o KDE mais queira saber primeiro como é. Qué é esa cousa brillante que está a ollar desde o computador?

[edit] Ambiente de escritorio

KDE ou o Ambiente de Escritorio K, que dicía o nome, iniciou a súa vida como ambiente de traballo. Segundo se foron ampliando as actividades, KDE é agora unha equipa internacional que crea Software Libre e de Código Aberto. O que isto significa é que se trata de moitos programas que traballan xuntos para oferecer a mellor experiencia informática posíbel. Significa que non se pode empregar unha aplicación do KDE sen o escritorio KDE? Para nada. Coa axuda de unha ou dúas bibliotecas extra, as aplicacións pódense utilizar en practicamente calquera escritorio.

O KDE oferece unha variedade de programas satisfacer as necesidades de calquera usuario, desde editores de texto simples, mais potentes, a reprodutores de audio e video estupendos, ao ambiente de desenvolvemento integrado máis sofisticado. Ademais, as aplicacións do KDE manteñen unha aparencia consistente en todo o escritorio, permitindo unha experiencia cómoda e familiar cando se emprega calquera programa do KDE. KDE ten outras funcionalidades que o converten nun ambiente de traballo de clase superior, como:

• Un escritorio lindo e moderno
• Un sistema flexíbel e configurábel que permite personalizar as aplicacións sen modificar demasiados ficheiros de texto
• A transparencia de rede permite acceder facilmente aos ficheiros doutras redes e computadores, como se estiveren no seu propio computador.
• Un ecosistema de software de centos, mesmo milleiros, de programas
• Disponibilidade en máis de 60 linguas

[edit] Unha comunidade internacional

KDE é máis que simplemente software. Tamén é unha comunidade constituída por programadores, tradutores, colaboradores, artistas, escritores, distribuidores e usuarios de todo o mundo. A equipa de tecnoloxía internacional de KDE pretende crear o mellor software libre para o escritorio. E non só se poden atopar polo mundo enteiro os colaboradores, senón tamén os usuarios e siareiros de KDE, a axudar outros usuarios, a estender as noticias ou simplemente a gozar da experiencia que é o KDE.

(Imaxe cortesía de Wade Olson)

[edit] Software libre

KDE non é simplemente calquera software. É Software Libre. Como usuario, este é un feito importante, mesmo sen profundar nas consideracións técnicas ou legais. Por que? Porque, como software libre, vostede ten a liberdade de empregar o KDE cando queira e do xeito que queira, sen códigos de activación ou límites de instalación. E ten a liberdade de compartilo tamén con outros! Así que non só ten nas súas mans un software bo e potente, senón que tamén lles pode dar á súa familia e amigos a oportunidade de gozar tamén del.

[edit] Hai máis!

E non remata aquí! KDE ten moito máis que oferecer! Eis algúns detalles que poderían ser de interese para algúns usuarios:

• Outras plataformas - Algunhas das aplicacións do KDE están disponíbeis para o Windows, o Mac OS X e algúns dispositivos portátiles como o Nokia N810.
• Paquete de ofimática e produtividade - KDE non só é divertido, senón que pode axudar a ser produtivo e organizado tamén.
• Infraestrutura de desenvolvemento de aplicacións - Soña con escribir a próxima aplicación sorprendente? O KDE pode axudar.

Volver á páxina de introdución