What is KDE/rue
Также, вы сьте іншталовали Linux і першыраз выбрали KDE. Або може сьте ся вернули до KDE софтверу по довгім періодї роботы в іншых середовищах. Може, плануєте хосновати KDE, але спочатку тужыте ся познакомити із середовищом ближе. Щто є тота чудова річ, што вас пояснила з опачной стороны монітора компютера?
Міджінародна комуніта
KDE — то не є лем софтвер. То є комуніта, што ся складать проґраматорів, перекладателїв, приспівателїв, умелцїв, авторів текстів, дістрібуторів і хоснователїв з цілого світа. Окрім приспівателїв, частёв комуніты KDE суть хоснователї і фанушикы, котрых можете найти по цілім світї, котры помагають іншым хоснователям, шырити новины або просто тїшать ся із скусености з KDE.
(Авторьскы права на колаж належать Ваде Олсону (Wade Olson))
Цілком нова працовна полха
Проєкт KDE зачав як десктопове середовище. А як ся зачали росшырёвати актівіты около, KDE ся стало міджінароднов ґрупов людей, котры творять слободный і отвореный софтвер.
В праксї то значіть, же векшына проґрамів од KDE комуніты сполупрацує докопы так, абы хоснователїм понукла што найлїпшый зажыток з їх хоснованя. То значіть, же не можете хосновати KDE аплікації покы не хоснуєте KDE десктоп? Нїт! Лем з помочов єдной, ці двох книжніць можуть быти аплікації хоснованы на будьякых десктопах. Што є іщі інтереснїше, же многы проґрамы уж не мусять веце біжати лем на ОС Linux, але тыж на різных кешенёвых апаратах, хытрых телефонах і інтернетовых таблетох.
KDE нукать много аплікацій, котры повнять потребы хоснователїв - од простых але выконных текстовых едіторів, через великолепны програвачі музикы і відеа, аж по найсофістікованїшы інтеґрованы вывоёвы середовища. KDE аплікації навеце приносять єднотный взгляд через цілый десктоп і понукать так комфортне приємне чутя при їх хоснованю. Нова, вылїпшена верзія із копов аплікацій выходить каждых шість місяцїв і є знама під назвов Software Compilation (SC). Дакотры аплікації не суть выпущаны в тот самый час, але независло на KDE SC.
KDE аплікації понукають цілый шор далшых функцій, котры ціле KDE робить верьхом міджі працовныма середовищами а то:
- Приємный і модерный десктоп
- Флексібілна і конфіґуровательна сістема, котра вам уможнює лїпше сі приспособити аплікації без потребы едітації текстовых файлів
- Транспарентность мереж вам уможнить легко приступлёвати к файлам на іншых мережах і компутерах, як кібы были на вашім компютерї
- Софтверова екосістема стовок, ці докінце тісячів проґрамів
- Доступность во веце як 60 языках
Слободный софтвер
KDE не є просто якысь хоцьякый софтвер. То є Слободный софтвер. Вам, як хоснователям треба тото знати, і кідь не тужыте ся понурёвати в технічній або правній увазї. Чом? Зато, же то є слободный софтвер, можете хосновати KDE де то є вгодне і як вгодне: ниякых ключів актівації і обмеджінь при іншталації. Можете ся з ним подїлити з будь-кым! Также не лем вы маєте в руках силный а великолепный софтвер, але можете ся з ним подїлити з вашов родинов і приятелями, абы і они могли мати прилежытость з ним робити тыж.
Компоненты
KDE є велика комуніта творцїв софтверу. Усиля той комуніты уже дакілько років наміряне на будованя інфраштруктуры, Платформы KDE.
- середовище Плазма — інтерфейс, приспособеный про хоснованя на різных пристроях як компютерах, ноутбуках і мобілных пристроях;
- елементы платформы, котры давають шырокы функціоналны можливости вшыткым проґрамам;
- проґрамы KDE, створеных на основі платформы.
More information can be found on KDE TechBase
Но, там є іщі дешто!
А то не кінчіть гев! KDE комуніта понукать овелё веце!
- Іншы платформы — даякы програмы з KDE може хосновати во Windows, Mac OS X і на портабилных пристроях, окрем Nokia N810.
- Комплекс офісного софтверу про веджіня бізнісу — KDE — то не лем забава, середовище може помочі ку звекшіню ефектівности і орґанізованости вашой роботы.
- Комплексный выбер проґрамів про вывой — Сниєте написати фантастічный новый проґрам? KDE вам поможе в тім.
| Вернути ся до вступной сторінкы |