Amarok/QuickStartGuide/GettingStarted/gl

Os primeiros pasos

Iniciar o Amarok

Se xa sabe como empregar o seu sistema operativo, probablemente tamén saiba como iniciar o Amarok, e pode saltarse esta sección. En caso contrario, siga lendo.

Dende Plasma

Se está empregando o espazo de traballo Plasma pode iniciar o Amarok:

• premendo no menú Kickoff e a continuación en Son e vídeo -> Amarok.
• executando o KRunner (Alt+F2 de maneira predeterminada), introducindo

  amarok

  e premendo a continuación a tecla Intro.

A primeira vez

A primeira vez que execute o Amarok aparecerá unha interface de usuario para a configuración inicial na que terá que indicar onde garda a súa música. Se xa ten un directorio para a música configurado no sistema, Amarok detectarao e preguntaralle se o quere usar:

Se preme Non neste diálogo, aparecerá outro no que poderá escoller a ruta onde garda a música:

Aprenda como configurar unha colección.

Unha vez escollido o cartafol onde garda a música, Amarok analizará todo o seu contido e creará a colección. O tempo que tarde dependerá do número de ficheiros de son e da velocidade de lectura do directorio.

Pechar o Amarok

Para pechar o Amarok ten varias opcións:

• Premer Ctrl+Q dende a xanela do programa,
• Premer o botón Saír do menú Amarok, ou
• Premer co botón dereito do rato na icona dun lobo azul que aparece na bandexa do sistema, que xeralmente está á súa vez nun panel na parte inferior da pantalla. Apareceranlle as seguintes opcións:

Se pechar a xanela do Amarok premendo no botón de pechar da xanela, Amarok seguirá executándose en segundo plano, e o único que se verá del será a icona do lobo azul na bandexa do sistema:

If you log out of your session or shut down your computer without quitting Amarok, some of your settings will not be saved.

• ← Main Page
• ↑ Back to menu ↑
• The Amarok Window →