Akregator

Jump to: navigation, search
This page is a translated version of the page Akregator and the translation is 94% complete.

Other languages:
አማርኛ • ‎čeština • ‎dansk • ‎Deutsch • ‎Ελληνικά • ‎English • ‎español • ‎français • ‎galego • ‎Bahasa Indonesia • ‎italiano • ‎日本語 • ‎Lëtzebuergesch • ‎Nederlands • ‎polski • ‎português do Brasil • ‎русский • ‎Türkçe • ‎українська • ‎中文(中国大陆)‎ • ‎中文(台灣)‎
Lendo as últimas novas de KDE
Akregator recolecta automaticamente novas de sitios web con fontes RSS ou Atom.

Akregator axúdalle a manterse ao día respecto das novidades nos sitios web coma dot.kde.org ou blogues coma Identi.ca. A tecnoloxía utilizada é a RSS e emprégase en moitos sitios.

Akregator forma parte da suite Kontact.

Funcionalidades

  • Fácil de utilizar.
  • Pode seguir ducias de fontes.
  • indícalle as novas que non leu aínda.
  • As novas poden lerse en lapelas do propio aplicativo ou nun navegador web.
  • Conta cun arquivo no que almacenar as novas vellas.
  • Permite importar e exportar fontes de novas.
  • Intégrase con Konqueror.

Uso xeral

Dado que Akregator pode comprobar calquera fonte RSS ou Atom que exista, o primeiro que necesita é buscar unha fonte para seguila a través de Akregator. Probablemente descubrirá que é máis doado do que pensara. Comprobe as súas páxinas preferidas para ver se conteñen ligazóns a fontes de novas RSS ou Atom. A meirande parte dos sitios con novas de algún tipo utilizan unha destas tecnoloxías ou as dúas.

Cando teña o URL dunha fonte de novas, conseguir que Akregator a siga é ben doado. Abonda con escoller «Engadir unha fonte de novas» dende o menú de fontes de novas, ou utilizar o seu atallo predeterminado, Inserir.

Despois escolla un intervalo de actualización, é dicir, con que frecuencia quere que Akregator comprobe se hai novas nas fontes ás que está subscrito. Pode configuralo de maneira global (para todas as fontes) e ademais ter valores individuais para algunhas (ou todas) as fontes de novas.

Akregator pode almacenar e arquivar os contidos das fontes de novas ás que se subscriba tanto tempo como vostede queira. Para isto tamén se pode configurar un valor global (Configuración -> Configurar Akregator -> Arquivo) e valores individuais para cada unha das fontes de novas, o cal pode facerse premendo co botón dereito unha fonte, logo «Editar a fonte de novas» e a continuación indo á lapela do «Arquivo».

Pode que lle interese importar fontes de novas dende outro navegador web o a partir dunha copia de seguridade. Para importar fontes de novas, abonda con premer Ficheiro -> Importar fontes de novas e buscar o ficheiro coa información das fontes. Trátase dun ficheiro OPML (ligazón en inglés) —baseado en XML—, un formato habitual para intercambiar fontes de novas entre varios lectores compatíbeis. Para exportar as fontes ás que se está subscrito, o procedemento é o mesmo, salvo porque en vez de premer Importar fontes de novas terá que premer Exportar fontes de novas.

Para facer uso da integración con Konqueror, pode instalar o complemento «konqueror-plugin-akregator», que permite engadir a Akregator fontes de novas interesantes que atope mentres navegue pola web simplemente con premer nelas.

Atallos

+
Ler a última entrada sen ler da fonte.
-
Ler a entrada sen ler máis vella da fonte.

This page was last modified on 22 March 2014, at 17:17. Content is available under Creative Commons License SA 4.0 unless otherwise noted.