Amarok

    From KDE UserBase Wiki
    This page is a translated version of the page Amarok and the translation is 64% complete.
    Outdated translations are marked like this.
    Amarok é un xestor de música.

    Amarok é un reprodutor de música libre, multiplataforma, versátil, potente e conta con moitas funcionalidades. Permite xestionar facilmente as coleccións, descarga as portadas dos álbums e a informacións dos temas de maneira automática, e ten integrada a compatibilidade con servizos coma Jamendo, Last.fm, Magnatune ou Librivox. Ademais pode personalizarse completamente, os usuarios poden cambiar o seu aspecto e a distribución dos seus elementos para adaptalo ás súas necesidades. A súa última versión estable é a 2.7.

    Se está a empregar Amarok por vez primeira, quizais sexa boa idea botarlle unha ollada á guía para principiantes ou ao manual completo.

    Tip

    Prema en calquera imaxe para vela ampliada.


    A interface


    Amarok ten unha interface predeterminada con tres paneis.


    O panel esquerdo (Orixes de medios)

    Dende o panel das orixes de medios situado á esquerda accédese á colección local, así coma a outros servizos. A primeira sección corresponde á Música local, a interface principal para acceder á colección local e os dispositivos conectados tales coma reprodutores con memoria USB ou CDs. A segunda sección xestiona os Servizos da Internet activos. A través desta sección pódese navegar por listas de estacións de radio, escoitar ou subscribirse a podcasts, enviar e recibir información de last.fm (quen teña unha conta), mercar música de tendas dixitais coma Magnatune , descargar música baixo licenzas Creative Commons de Jamendo, e moito máis. A sección de Listas de reprodución permite crear e xestionar Listas de reprodución dinámicas, así como acceder ás Listas de reprodución gardadas e ao Xerador automático de listas de reprodución. A sección de Ficheiros contén un navegador de ficheiros integrado, e a sección de Podcasts permite acceder ás subscricións a podcast existentes.

    O panel central (Vista de contexto)

    Aquí é onde se amosa toda a información. O panel central ten trebellos que cambian de maneira dinámica para amosar información relativa á pista que se estea a reproducir. Pode ver a valoración, a puntuación e mailo reconto de reproducións no trebello de Pista actual ou as últimas pistas reproducidas en caso de que non se estea a reproducir ningunha, a Letra da canción e mailo artigo sobre o intérprete na Galipedia. Pódense engadir, borrar e reorganizar os trebellos mediante a icona da barra de trebellos, situada na parte inferior do panel.

    O panel dereito (visualización da lista de reprodución)

    Amarok conta coa lista de reprodución que máis se pode personalizar de todas as dos reprodutores de música que existen. Permítelle adaptar a lista completamente ás súas necesidades e gustos. Existen tres disposicións predefinidas que pode usar como puntos de partida para crear a disposición que máis se axuste aos seus gustos persoais. Pode xerar listas de reprodución dinámicas de varios xeitos ou empregar o xerador automático de listas de reprodución, reproducir ao chou ou repetir, poñer pistas na cola ou mesmo gardar as listas de reprodución para poder empregalas en calquera outro momento.

    Funcionalidades

    Reprodución de música

    Amarok recoñece case todos os formatos de música máis populares. A lista de formatos dependerá en realidade dos códecs e maila infraestrutura de son que empregue o seu sistema. Tamén recoñece as listas de temas tradicionais, polo que pode crear, gardar e cargar tantas listas como queira.

    Compatibilidade cos dispositivos externos

    Amarok é compatible cunha gran variedade de dispositivos de son e vídeo, tales coma iPods ou dispositivos MTP e UMS.

    O botón de Mesturar a visualización na parte superior da colección permítelle mesturar coleccións. Isto quere dicir: a súa colección local, os discos de música, os reprodutores MP3 e demais dispositivos similares amosaranse todos coma unha colección única. O mesmo botón pode volverse premer para visualizar de novo as fontes por separado.

    Configuración da visualización do contexto

    A visualización do contexto, o principal atractivo do Amarok, pode obter automaticamente información contextual da canción que se estea a reproducir (como a portada do álbum, a letra ou información da Galipedia) da Internet e amosala. Esta é unha das funcionalidades únicas que sempre tivo Amarok.

    Máis servizos de Internet

    Amarok abre as portas a unha completa experiencia de son e vídeo na rede.
    • Con interfaces para servizos coma servidores de música Ampache ou mp3tunes lockers, o aplicativo permítelle escoitar a súa música dende calquera parte do mundo.
    • Pode escoitar e mercar música en Magnatune.
    • Mediante o servizo de Jamendo pode escoitar e descargar música de artistas independentes aos que pode apoiar mediante doazóns voluntarias.
    • Coa funcionalidade de last.fm integrada, pode enviar escoitas das súas pistas de música, empregar funcionalidade de last.fm coma estatísticas, gráficos e os subscritores poden ademais escoitar fluxos de radio personalizados segundo os seus gustos musicais.
    • Segundo o país no que viva, podería ter acceso á tenda de música de Amazon en MP3.

    Todo iso dende Amarok. E só é o principio. Aínda pode engadir máis servizos de Internet mediante o xestor de scripts.

    Information

    No xestor de scripts atopará moito0s dispoñíbeis. Vaia a Configuración -> Configurar Amarok… -> Scripts -> Xestionar os Scripts e explore a lista de scripts dispoñíbeis. Pode reducir a lista escribindo na caixa de busca. Cando atope un script que queira probar, prema o botón de Instalar canda el.


    Xestor dos scripts

    Os scripts son complementos que lle permiten ampliar a funcionalidade de Amarok de xeito innovador. A partir da versión 2.5 de Amarok, pode empregar a opción Xestionar os scripts para abrir a xanela do xestor de complementos.


    Na versión 2.3.1 e anteriores, pode xestionar estes scripts mediante o xestor dos scripts, instalar novos scripts ou activar, desactivar e borrar os que xa ten instalados. Tamén pode empregar o botón de obter máis scripts para descargar novos scripts publicados por outros usuarios.

    Xestor das portadas

    Pode explorar a súa colección de música mediante o xestor das portadas, que amosa as portadas dos álbums, descárgaas dende varias fontes ou permite que Amarok as busque automaticamente na Internet.

    Valoración e puntuación

    Pode expresar o seu agrado valorando as cancións. Amarok permite puntuar con medias estrelas (½✩). Ademais diso, Amarok pode calcularlles ás cancións unha puntuación (unha especie de valoración “adiviñada”) baseándose en datos como a cantidade de veces que as escoitou ou pasou delas.

    Arrastrar e soltar

    Esta é unha interface innovadora que lle lista distintas opcións (como as que vería no menú que aparece ao premer co botón dereito do rato) nas que pode “soltar” a canción. Arrastre unha pista de son e verá como aparece o “arrastrar e soltar” no panel da visualización do contexto!

    Configuración da visualización da lista de reprodución

    A lista de reprodución pode configurarse completamente e pode amosar información sobre as pistas de son da forma que se prefira. Se está afeito á visualización simple propia das versións 1.x de Amarok e outros moitos reprodutores, tamén pode tela! A visualización da lista de reprodución permite tamén gardar e exportar a lista actual.

    Listas de reprodución dinámicas

    Amarok permítelle crear listas de reprodución ao chou que se axustan a varios criterios de maneira exacta (criterios proporcionais) ou aproximada (criterios aproximados). Por exemplo, pode crear unha lista de reprodución que estará formada por cancións ao chou valoradas con máis de tres estrelas e que daten en torno ao ano 1967!

    Posibilidade de reproducir a ganancia

    Amarok pode ler as etiquetas sobre a ganancia incluída nos ficheiros e axustar automaticamente o volume das cancións para que todas estean máis ou menos ao mesmo nivel.

    Redescubra a súa música!

    Se ten problemas

    • Se necesita asistencia técnica, bótelle unha ollada aos foros.
    • Tamén pode conseguir asistencia técnica directa na canle «#amarok» da rede de conversas IRC «irc.freenode.net». Despois de formular a súa pregunta, procure ser paciente; en canto alguén cos coñcementos necesarios para axudarlle se conecte ou deixe de estar ausente, seguro que o axudará co seu problema. Se non sabe inglés, sempre pode probar sorte nas canles para outras linguas, como «#amarok.gl» (galego), «#amarok.es» (castelán), «#amarok.fr» (francés) ou «#amarok.de» (alemán).

    Información adicional



    Support for this application can be found from the project's home page